МӘСКЕУ. Санкт-Петербор қаласының түбінде, Жапонияның “Toyota” фирмасы зауыт салып жатқан ауданда Американың “General Motors” корпорациясы өзінің көлік құрастыру зауытын салуға шілде айында кіріседі. Ол жайында кеше Ресейдің экономикалық даму және сауда министрі Герман Греф хабарлады. Оның айтуынша, бұл жобаға жұмсалатын бастапқы инвестицияның көлемі 115 млн. долларды құрайды және зауытта “Chevrolet” автокөлігінің 3 үлгісін құрастыру жоспарланып отыр.
