Белгілі кино- әрі телепродюсер өз пәтерінде буындырылып, пышақталып өлтірілді

ТАШКЕНТ. Кейбір Өзбекстан баспасөзінің хабарлауынша, “Ескендір Ағзамов” деген атымен де белгілі кино- әрі телепродюсер Ескендір Сәлімов қаза болды. Ресми билікке жақын press-uz-info интернет-сайты ішкі істер министрлігінің баяндамасынан үзінді келтіреді. Оған сәйкес, 28 жастағы Ескендір Сәлімовтің бірнеше рет пышақталған және мойнына арқан салынған өлі денесі – 25-інші маусым күні оның Ташкенттегі өз пәтерінен табылған.