ГАЗА. Израиль жауынгерін ұстап алып кеткен Палестинаның 3 жаугер тобы өздері қойған талап-шартын орындауы үшін Израильге сейсенбіге дейін уақыт беріп, орындалмаған жағдайда оның ауыр салдары болатынын ескертті. Бірақ нақты қандай салдары болатыны айтылмады. Алғашқыда бұл 3 ұйым Израильден оның түрмелерінде отырған әйелдер мен кәмелетке толмаған балаларды дереу босатуды талап еткен болатын. Бірақ Израиль керісінше Газа аймағына шабуылын үдете түсті.
