Будапештте үкіметке қарсы шеру одан ары жалғасты

Мажарстан астанасы Будапештте үкіметке қарсы шеру одан ары жалғасты. Ереуілшілер бас министр Ференц Дюрчан қызметінен кетсін деп талап етеді. Будапештте кеше ең үлкен митинг өтті, оған ондаған мың адам қатысты. Бас министр Ференц Дюрчан сәуір айында сайлауды жалған экономикалық мәлімет айтып ұтқандарын мойындаған, сөйтіп оның мәлімдемесі елде наразылық тудырды.