Ресейдің 18 теңізшісінің тағдыры туралы ешқандай хабар-ошар жоқ

МӘСКЕУ: Жапон теңізінде қабырғасы тесілген Ресейдің “Синегорье” атты құрғақ жүк таситын кемесі суға батты. Бұл хабарды Ресейдің көлік министрлігінің баспасөз-қызметі толық растады. 18 теңізшіден тұратын кеме командасының тағдыры туралы еш хабар жоқ. Жүк кемесінің апатқа ұшырағаны туралы алғашқы дабыл таңертең жетіп, кейін хабар үзілді. Апат болған ауданға жақын жерде жүзіп жүрген барлық кеме аттанды.