Сербияда бүгін конституция референдумының екінші күні

Жаңа конституция 1990 жылы авторитарлық президент Слободан Милошевичтің кезінде қабылданған конституцияның орнын баспақ. Конституция жобасында Косово – "Сербияның біртұтас бөлігі" деп жазылған. Косовода басым тұратын албандардың көпшілігі тәуелсіздік талап ететіні аян. Ұлты албан азаматтар референдумға қатысып жатқан жоқ, олар дауыс беруге шақырылған жоқ. Сербия ресми өкілдері албандар бұдан бұрын сайлауларға бойкот жасап, келмей қойған, сондықтан референдумға шақырылмайды деп түсіндіреді.