БАҒДАД: Ирақтың экс-президенті С.Хусеин бүгін сот залына қайта оралды. Бұл жолы оның геноцид саясатын іске асырған ісі қаралады. Ондай айыпқа Ирақтың солтүстігіндегі мыңдаған күрд азаматын қырғаны негіз болып отыр. Осыдан 2 күн бұрын ғана С.Хусеин “адамзат баласына қарсы істеген қылмыстары” үшін, оның ішінде 1982-нші жылы өзіне қарсы ұйымдастырылған сәтсіз қастандықтан кейін Дужайыл ауылының 148 шийт тұрғынын қырғаны үшін өлім жазасына кесілген болатын.
