Косово өлкесінің Сербиядан тәуелсіздік алуына Ресей тосқауыл қоя алады

БЕЛГРАД: БҰҰ-ының Қауіпсіздік Кеңесінде егер Косово өлкесінің құқықтық мәртебесі туралы шешім аталған өлкенің албаниялық басшылығымен де, Сербиямен де келісілмеген болса, оған Россия қарсы дауыс беруі мүмкін. Кеше Ресейдің Сербиядағы елшісі Александр Алексеевтің серб телеарнасына берген сұхбатында мәлімдегеніндей, Мәскеу вето қою, яғни бөгет қою құқын пайдалана алады. Қазір Косово – БҰҰ-ының басқаруына қарайтын Сербияның бір аймағы болып табылады. Сербия Косовоны өзінің құрамдас бөлігі болып қалуын талап етіп отыр.