Гаага соты серб ұлтшылының аштықпен өлуіне жол бермеуге шақырды

БҰҰ-ның Гаагадағы трибуналы сәрсенбі күні Нидерланды үкіметін Сербияның әсіре ұлтшылдар жетекшісі Войслав Шешелидің аштық жариялап өлуіне жол бермеуге шақырды. Халықаралық трибуналға соғыс қылмыстарын жасағаны үшін тартылған Войслав Шешели қарашаның 11-нен бастап аштық акциясын жариялаған. 1990-шы жылдардағы Югославия соғысы кезінде этникалық тазалау жүргізді деген айыпты Войслав мойындамай отыр.