ТЕҺРАН: Иранның таяуда ғана құрылған адам құқын қорғайтын ұйымы елдің күрдтер тұратын аймақтарындағы тәуелсіз баспасөзді ресми биліктің қудалауына наразылық білдірді. Иранның Күрдістан демократиясы және адам құқын қорғау Қорының хабарлауынша, соңғы бірнеше айдағы іс-әрекеті үшін бірнеше журналист қамауға алынып, қалғандары сотқа шақырылды. Аталған ұйым: “баспасөзге қысым көрсету - Иранның конституциясын бұзу болып табылады” және “елдің ұлттық мүддесіне қайшы келеді” деп мәлімдеді.
