Босния Герцеговинадағы НАТО күштері соғыс қылмыстары бойынша күдікті деп танылған Радован Караджичтің қызы мен ұлының үйлеріне рейд жүргізді. НАТО өкілі Дерек Чаппелдің сөзіне қарағанда, іздеу шаралары әкелері Караджичті тығып отыр деген күдікпен балаларының Сараевоның шығысындағы үйлерінде жүргізілген. 1992-1995 жылдардағы Босния соғысы кезінде саяси жетекші болған Караджич геносид жасады деп күдіктерліп отыр.
