Иран президенті Батыс елдерін өз елінің “заңды құқын” мойындауға шақырады

НЬЮ-ЙОРК: Бүгін БҰҰ-ының Қауіпсіздік Кеңесі уран шикізатын байыту жұмысын доғарудан бас тартқаны үшін Иранға қарсы жаңа жаза қолдану мүмкіндігі қарастырылған Қарардың жобасын талдауға тиіс. Иран президенті Махмуд Ахмадинеджад ядролық ізденістерін жалғастыруға өз елінің “заңды құқы бар” екенін тағы да қайталап, Батыс елдерін Иранның осындай құқын мойындауға шақырды. М.Ахмадинеджадтың ұлттық телеарнадан берілген осы мәлімдемесі халықты Наурыз мерекесімен құттықтау сөзінде айтылды.