Ирақтың ішкі істер министрі полиция кек алу үшін шабуыл жасамақшы болғандармен атысты деп айтқан

Ол Ирақтың Таль- Афар қаласындағы қанды қырғынға полицияның қатысы болды деген хабарларды растады. Шиит тәуелсіз саясаткері Жауад Болани теледидар арқылы сөйлеген сөзінде Ирақ премьер-министрі Нури әл-Малики бұл оқиғаны тергеп-тексеруге тапсырма берді деген. Қаланың шииттер тұратын аймағында екі бомба жарылып, 55-тей адам қаза тапқаннан кейін кек қайтару мақсатындағы шииттер шабуылында кемінде 70 адам өлген. Ал бүгін Ирақтағы бомба жарылыстарында кем дегенде 7 адам қаза тапқан.