Ауғанстанда осы күнге дейін Канаданың 51 жауынгері құрбан болды

ОТТАВА: Канаданың сыртқы істер министр Питер МакКэй Ауғанстандағы НАТО күштерінің құрамындағы тағы 6 канадалық жауынгердің қаза болуын – “жеңістің құны” деп бағалады. Оның атап көрсетуінше, ауған халқының өз тағдырын өз қолына алуы және Ауғанстанның дүниежүзілік терроризмнің ордасына қайта айналмауы Канаданың да мүддесіне жатады. МакКэйдің сөзіне қарағанда, канадалық 6 жауынгер Кандагардың маңындағы жолға орнатылған бомбаның жарылысынан мерт болды. Оған “жанпидашыл-террористер жауапты”. Өткен 5 жылдың ішінде Ауғанстанда бас-аяғы Канаданың 51 жауынгері көз жұмды.