Шекарасыз репортерлер ұйымы Өзбекстанға қарсы қатаң шараларға шақырады

Аталған ұйым Европа одағынан тәуелсіз өзбек журналисі Үмида Ниязоваға айып тағылғаннан кейін Өзбекстанға қатысты қатаңдау болуды талап етуде. Парижде орын тепкен медиа тобы журналистке қарсы мұндай шешім президент И.Кәрімовтың адам хұқтарын аяққа таптап отырғанын көрсетеді деп мәлімдейді. Ниязованың бауыры журналистке контрабандамен шұғылданды, шекарадан заңсыз өтті, үкіметке қарсы жұмыс істеді деген айыптардың тағылғанын айтқан. Үмида Ниязова өткен желтоқсан айында қырғыз-өзбек шекарасында ұсталған болатын.