Бұрынғы премьер-министр, қазіргі оппозиция басшысы Феликс Кулов шерулер барысында орын алған тәртіпсіздіктерге байланысты жауап алуға шақырылған. Бейсенбі күні наразылық шеруіндегілердің бір тобы үкімет үйі мен полицияға қарсы тас пен бөтелке лақтырғаннан кейін, полиция көзден жас ағызатын газ қолданған-ды. Кеше Кулов Мемлекеттік қауіпсіздік комитетінде болған кезде ғимараттың сыртында оның жүздеген қолдаушысы жиналып тұрды.
