Түркия парламентінің конституциялық комитеті жалпы сайлаулар шілденің 22-сі күні өтсін деген ұсыныс жасады. Парламент енді бұл ұсыныс бойынша осы аптада дауыс береді деп күтілуде. Ал премьер-министр Режеп Тайып Ердоған президент сайлауына байланысты елде қалыптасып отырған саяси дағдарысты шешу мақсатында жалпы сайлауларды мерзімінен бұрын яғни маусымның 24-інде өткізу туралы ресми ұсынысты парламентке жолдаған болатын. Премьер-министр, сондай-ақ, президентті заңшығарушылар емес халық сайлау керек деген ұсынысты парламентке жолдайтынын айтты.
