КАБУЛ: Талибан қозғалысы өз көсемдерінің бірі – Дадулла молданың қаза болғанын растады, бірақ Ауғанстандағы халықаралық күштерге қарсы күрестің жалғаса беретінін мәлімдеді. Тәліптердің лидері болып табылатын Омар молданың атынан сөйлеген өкілдің баса атап көрсеткеніндей, Дадулла молданың орнына мыңдаған тәліп шетелдік күштерге қарсы күресін жалғастыра береді. Дадулла молда – ауған армиясы мен НАТО күштерінің сенбі күнгі бірлескен операциясының барысында қаза болған еді.
