Сербия парламентінің өткен аптада ғана сайланған спикері қызметінен кетті

БЕЛГРАД: Кеше Сербия парламентінің спикері, әсіре ұлтшыл радикалды партияның мүшесі Томислав Николич – саяси теке-тіреске жол бермеу үшін қызметінен кетті. Оның қарсаңында Сербияның либералды және сабырлы саясаткерлері коалициялық үкімет жасақтауға бел буды. Бірақ әсіре-ұлтшыл Николич олармен уәжге келуге қарсы шықты. Томислав Николич – парламент спикері болып өткен аптада ғана сайланып, Батыс елдерінің “Сербия қайтадан ұлтшылдық бағытқа түсе ме” деген алаңдаушылығын туғызған болатын.