АҚШ әскері Ираққа қару-жарақ пен диверсанттарды өткізіп тұрған экстремисті қолға түсірді

БАҒДАД: Ирақтағы бітіспес шийттердің рухани лидері Мұқтада Ас-Садрдың бірнеше ай бойы бас сауғалап жүріп, кеше жұртқа алғаш рет көрінуінен бір күн өтпей жатып, бүгін АҚШ әскері Бағдад қаласының шийттер тұратын Садр-Сити ауданында бір экстремисті тұтқындап, қалған бесеуін оққа ұшырды. АҚШ әскерінің мәлімдеуінше, қолға түскен адам Ирандағы “Ислам төңкерісі сақшыларының корпусына” қатысы бар және Ираққа диверсанттар мен қару-жарақты жеткізіп тұрған террористік топтың мүшесі болып табылады.