Украина президенті Жоғарғы Раданың тағы 1 тәулік жұмыс істеуіне келісті

КИЕВ: Украинаның премьер-министрі В.Янукович президент В.Ющенконы кезектен тыс парламент сайлауын 30-ыншы қыркүйекте өткізуге қажетті заң жобаларын дауысқа салуы үшін Жоғарғы Радаға тағы бір күн уақыт беруге көндірді. В.Ющенко мен В.Янукович елді саяси дағдарыстан шығару үшін парламент сайлауын күзде өткізу туралы жексенбі күні келіскен болатын. Президент әлгі заңдарды қабылдау үшін парламентті тарату туралы жарлығын 2 күнге тоқтатты. Бірақ бақталас екі жақтың қызу пікірталасы салдарынан бүгінгі парламент отырысы бірнеше сағат тоқтап қалды.