Алматы полициясы маусымның 6-күні Тәуелсіздік монументінің алдында орыс ақыны Александр Пушкиннің туған күніне орай өлең оқу үшін жиналған үш азаматты, атап айтқанда, ресми тіркелмеген «Алға» партиясының басшысы Асылбек Қожахметовті, аталған ұйымның белсендісі Нағашыбай Есмұрзаевті және ақын Амантай Ахетовты күштеп ұстап алып кетті. Жергілікті билік өкілдерінің айтуынша, қоғамдық орындарында рұқсат етілмеген жыр кештерін өткізуге болмайды.
