Кипрдегі бітімгершілік жасақтың өкілеттігі ұзартылды

БҰҰ-ның Қауіпсіздік Кеңесі Кипрде қызмет етіп жатқан бітімгершілік жасақтың өкілеттігін тағы жарты жылға созды. БҰҰ-ның жасағы мұнда 43 жыл қатарынан қызмет етіп жатыр, екіге бөлінген аралдың шекарасында бітім келісімінң орындалуын бақылайды. Кипр аралына Түркия 1974 жылы әскер кіргізген соң екі Кипр мемлекеті пайда болды. Қауіпсіздік Кеңесі Кипрдің түрік және грек қауымдастықтарына қайырылып, саяси шешім табуға, араздықты доғаруға бірауыздан шақырды.