Түркменстан басшысы бұрынғы президент Ниязовтың құпия қорын жапқызбақшы

Гұрбангұлы Бердімұхамедов өзінің алдында президент болған марқұм Сапармұрат Ниязовтың құпия қорын жабуға бұйрық берді, сөйтіп Ниязовтың шетелде болуы мүмкін делінетін байлығын қайтару қадамы жасалды. Түркменстан президентінің жұма күні жарық көрген жарлығында сондай-ақ қорға тексеріс жүргізетін арнайы комиссия құру жөнінде айтылған, деп хабарлайды "Нейтральная Түркменстан" газеті. Германия банкіндегі қор мен оның қаржысының жұмсалуы турасында аса көп мәлімет жоқ.