Шығыс Еуропа күннің қатты ысуынан азап шегіп жатса, Англия – нөсер жаңбырдың салдарымен күресуде

ПРАГА: Бүкіл Еуропа ауа райының күрт бұзылуынан азап шегу үстінде. Шығыс және Оңтүстік Еуропада ауаның 40 градустан жоғары қызуы салдарынан кем дегенде 25 адам қайтыс болды. Ауаның қатты ысуынан Италияның Калабрия, Сардиния өлкелері мен Сицилия аралында 20-дан астам өрт шықты. Күннің қатты қызуынан Румыния мен Грекия және Болгария азап шегіп жатыр. Ал Ұлыбритания шелектеп құйған жаңбырдың салдарымен арпалысуда. Күні бойы толастамай жауған жаңбырдың салдарынан қаншама елді-мекенді су басып, кем дегенде 3 адам қаза болды және 100-деген халық жапа шекті.