АҚШ қолбасшыларының бірі, генерал Перри Уиггинс Ауғанстан тұрғындардың арасындағы адам шығыны жайында жарияланған мәліметке күмән келтірді. Ауғанстан және батыс гуманитарлық ұйымдары НАТО одағы жетекшілік ететін жасақтардың қимылдарынан биыл 230-дан астам бейбіт тұрғын қаза тапты деген. Генерал Перри Уиггинс шалғайдағы аудандарда орын алған адам шығынын тәуелсіз жағдайда есептеу қиын деді. Ол кейбір мұндай есептердің қате екені дәлелденген деді.