Ауғанстандағы қақтығыстан 20 соғысушы мен 1 полиция қызметкері қаза тапты

Ауған ресмилерінің хабарлауынша, елдің оңтүстігінде орын алған қақтығыстардан 20 соғысушы мен бір полиция қызметкері құрбан болған. Сейсенбі күні Ғазни өлкесінде үш полиция бекетіне шабуыл жасалып, оның салдарынан 13 соғысушы мен бір полиция қызметкері қаза тапты. Ал Забул өлкесінде “Талибан” соғысушылары мен АҚШ жетекшілігіндегі коалиция күштері арасында шайқас болды. Нәтижесінде 7 соғысушы өлтірілді деп хабарланып отыр.