Ауғанстанда 30 тәліп өлтірілген, бейбіт тұрғындар шығыны турасында да хабарлар бар

АҚШ бастаған коалиция жасақтары Фарах провинциясында әуе күштері мен жаяу әскерлердің шабуылдарында 30 тәліптің көзі жойылғандығын айтқан. Бір күн бұрын бүлікшілер полиция мен әскерлерге қарсы ұрыстар жүргізген болатын. Коалиция бейбіт тұрғындардың өлімі турасында нақты деректер жоқ десе, Ауғанстан үкіметі жұмадан бергі Фарах пен Кунар провинциясындағы қақтығыстарда қаншалықты қарапайым азаматтар құрбан болғандығы турасында тексеріс жүргізіп жатырмыз дейді.