НЬЮ-ЙОРК: Бүгін БҰҰ-ының Қауіпсіздік Кеңесінде Косово өлкесінің келешегі бойынша пікірталас қайта жалғасады. БҰҰ-ының Батыс елдері қолдаған жоспары бойынша, 4 ай бойы келіссөз жүргізу арқылы Косовоның құқықтық мәртебесін белгілеу көзделеді. АҚШ-тың БҰҰ-ындағы елшісі Залмай Халилзад мәлімдегендей, егер Ресей Қауіпсіздік Кеңесінің Қарарына өзінің вето құқын пайдаланбаса, онда әлгі жоспарды қолдайтын дауыстар жеткілікті. Сербия Косовоның тәуелсіздік алуына түбегейлі қарсы және Ресей оны қолдап отыр.
