КАБУЛ: Ауғанстанның шығысындағы Тора-Бора тауының бөктерінде АҚШ пен ауған әскерлері “Әл-Қаида” жасақтарына қарсы ауқымды соғыс қимылдарын бастады. АҚШ әскері басшылығының хабарлауынша, оның басты мақсаты – содырлардың тау үңгірлеріндегі бекіністерін жою. Бір мәлімет бойынша, Тора-Бора төңірегінде бас сауғалап жүрген Усама бин Ладинді қолға түсірмек болған АҚШ әскері осы ауданда 2001-інші жылдың желтоқсанында да кескілескен ұрыс жүргізген болатын.
