Қырғызстанда мұсылман әйелдер төлқұжатына орамалымен түскен суретін жапсыра алады

БІШКЕК: Қырғыз үкіметі мұсылман әйелдерінің төлқұжаттарындағы суреттеріне бастарына орамал байлап түсуіне рұқсат беретін заң қабылдамақшы. Ақпарат ресурстары мен технология бойынша мемлекеттік агенттік адвокатының бүгін “Азаттық” Радиосына хабарлағанындай, Әділет министрлігі төлқұжаттағы суретке басына орамал байлап түсуге тыйым салатын заңды толығымен өзгертетін түзету енгізуді жобалау үстінде. Жаңа түзетудің қашан қабылданатыны белгісіз.