Бүгін Ресей әскерилерінің басшысы өз еліне келген Чех делегациясымен кездесуде егер Чехия өз жерінде АҚШ-тың зымыран қорғанысы бекетін орнататын болса, үлкен қателік жасайды деп мәлімдеді. Ресей әскерилерінің басшысы Юрий Балуевский бұл туралы Мәскеуде Чехтың қорғаныс вице министрі Мартин Бартакқа айтты. Чехия елі Уашингтонмен өз жерінде Құрама Штаттардың зымыран қорғанысын орнатуды талқылап жатыр. Мәскеу бұл жоспарды өз қауіпсіздігіне төнген қауіп ретінде көріп отыр.
