Баррозо Грекияның өртке оранған аймағын аралап, көмек беруге сөз берді

Бүгін Еуропалық Комиссияның басшысы Жозе Мануэль Баррозо тікұшақпен Оңтүстік Грекияның өрттен кейінгі аймағын аралап, 64 адам қаза тапқан бұл өңірді қайта қалпына келтіру үшін көмектесуге уәде берді. Жұма күні Еуропа Одағы Грекияға төтенше көмек ретінде 237 млн доллар берілуі мүмкін деп, ел үкіметі келген шығын мен зардаптарды анықтаған соң, тағы 546 млн доллар бөлінетін болады деген.