Висбаден қаласында Германия-Ресей форумы өтті

Ресейдегі парламент және президент сайлауынан кейін Мәскеудің Еуропамен арадағы қарым-қатынасы негізінен өзгермейді. Висбаден қаласында өткен Ресей-Германия экономикалық форумында Ресей президенті Владимир Путин осылай деп мәлімдеді. Ол, сондай-ақ, ортақ мақсатқа жету үшін кез-келген қарама-қайшылықты шеше алудың маңыздылығын атап көрсетті. Өз кезегінде Германия канцлері Ангела Меркель ғаламдық проблемаларды шешу үшін Ресей лидерін Еуропамен тығыз ынтымақтасуға шақырды. Адамның құқын құрметтеу – Ресей мен Еуропа арасындағы сенімді нығайтатын аса маңызды фактор, деп мәлімдеді Меркель ханым.