ЮНИСЕФ Қорының Алматыдағы кеңсесін улауды ешкім жоспарламаған

АЛМАТЫ: ЮНИСЕФ балалар Қорының Алматыдағы кеңсесіне келіп түскен пошта жүгінің қауіпсіз екені анықталды. Қазақстаның Төтенше жағдайлар бойынша министрлігі осылай деп хабарлады. 5-інші қараша күні ЮНИСЕФ-тің Алматыдағы кеңсесіне Португалиядан пошта жүгі келіп, оны тексеру барысында металл детекторы белгі берді. Пошта жәшігін ақтарып тексерген күзетшінің 20 минут өткенде денсаулығы сыр бере бастады. Бірақ ішкі істер, төтенше жағдайлар департаменттері мен санэпидемстансадан шұғыл шақырылған мамандар пошта жәшігінде қауіпті заттың жоқтығына көз жеткізді.