Франция мен Германия лидерлері Берлинде “Иран мәселесін” талқылайды

БЕРЛИН: Бүгін Берлинде Германияның федералдық канцлері А.Меркель мен Франция президенті Н.Саркози келіссөз өткізеді. Оның барысында басты назар Иранның ядролық бағдарламасы төңірегіндегі дағдарысқа аударылмақшы. Таяуда 2 лидер де егер ресми Теһранмен арадағы келіссөз нәтиже бермесе, онда Иранға қарсы санкцияның қатаңдай түсуі мүмкін екенін мәлімдеген болатын. Батыс елдері Ираннан ядролық қару шығаруды көздейді деп күдіктенеді. Ресми Теһран оны теріске шығарумен келеді.