АҚШ Қорғаныс министрі Ауғаныстан президентімен кездеседі

Бүгін күтпеген жерден Қабулға келген АҚШ-тың Қорғаныс министрі Роберт Гейтс Ауғаныстан президенті Хамид Қарзаймен кездеседі деп күтіліп отыр. Дүйсенбі күні Гейтс журналистерге өзінің Ауғаныстандағы соңғы 2-3 жылда күшейе түскен жаугерлік топтың шабуылына қатысты алаңдаулы екенін айтты, бірақ өзінің Ауғаныстан артта қалып жатыр деп ойламайтынын айтқан. Роберт Гейтс сонымен бірге Ауғаныстандағы АҚШ бастаған және НАТО бастаған халықаралық күштердің қолбасшыларымен кездеседі.