Иран ядролық қару бағдарламасын тоқтатса да, қауіп төндіруші дейді АҚШ қорғаныс министрі

Америка барлау агенттіктерінің деректері Иран төрт жыл бұрын ядролық бағдарламасын тоқтатқан деп жариялағанына қарамастан, Иран АҚШ пен Таяу шығыс үшін қауіпті болып қала береді дейді Роберт Гейтс. Бахреиндегі аймақтық қауіпсіздік конференциясында сөйлеген сөзінде Гейтс, Иран уран байытуды жалғастырып жатыр, ол кез келген уақытта ядролық бағдарламасын қайта жаңғырта алады деп атап көрсетті. АҚШ қорғаныс министрі сондай-ақ Иранды Ирақ пен Ауғанстандағы бүлікшілерді қолдап отыр деп айыптады.