БІШКЕК: Қырғызстан мен Тәжікстанның және Өзбекстан мен Қазақстанның су-энергетика мекемелері басшыларының келіссөзі 29-ыншы ақпан күні Бішкекте өтеді. Қырғызстанның өнеркәсіп, энергетика және отын ресурстары министрлігін сілтеп көрсеткен “Қазақстан бүгін” агенттігі осылай деп хабарлады. Министрліктің баспасөз-қызметі атап көрсеткендей, бұл биылғы жылы Орта Азияның ең өзекті проблемасына арналған бірінші мәжілісі. Нарын-Сырдария су бассейнінің су-энергетика ресурстарын бірлесіп пайдалану туралы 4-жақты келісімді пысықтау және энергоресурстарымен алмасу – Бішкектегі басқосудың күн тәртібіне қойылған ең маңызды мәселелер.
