Кабулдағы ресми билікті Ауғанстанның барлық облыс-өлкесі мойындай ма?

КАБУЛ: Ауғанстан үкіметі өзінің билігіне ауған жерінің 30 пайызы ғана бағынады деген АҚШ жағының мәлімдемесін теріске шығарады. Сәрсенбі күні АҚШ Конгресі Сенатының қарулы күштердің істері бойынша комитетінде есеп берген АҚШ-тың ұлттық барлау қызметінің директоры Майк Макконнел осылай деп мәлімдеді. Оның мәліметі бойынша, “Талибан” қозғалысы ауған территориясының 11 пайызын бақылап отырса, қалған 60 пайызға жуық территорияны жергілікті тайпалардың ақсақалдары билейді. Ауғанстанның қорғаныс министрлігі Макконнелдің мәліметін “ақиқаттан тым алыс” деп бағалап, үкімет бүкіл елді билеп отыр деп мәлімдеді.