Қытай елдегі Францияға қарсы шерушілерді тоқтамға шақырды

Қытай бірқатар қалалардағы франциялық дүкендерге қарсылық танытқан өз азаматтарын тынышталып, саналы болуға шақырды. Бұл туралы үндеу Қытайдың ресми басылымында жарық көрді. Сенбі күні Бейжин мен бірқатар қалаларда франциялық “Carrefour” дүкендеріне қарсы наразылық шаралары өтті. Қытайлықтар Париж олимпиада алауын қабылдаған кезде орын алған тибеттік шерушілердің әрекетіне ашу-ызасын білдірді.