Мәскеуде әскери шеру өтті

1945-ші жылы Кеңес Одағының нацистік Германияны жеңіп шығуын атап өту үшін бүгін Мәскеудің Қызыл Алаңында әскери шеру ұйымдастырылды. Онда баллистикалық зымыран атқылаушы техника мен танктер көрсетілді. Мұндай ауыр соғыс техникасының түр-түрі Совет дәуірінен бері алғашқы рет Қызыл Алаңдағы әскери парадта көрсетіліп отыр. Бұл әскери шеруді бас қолбасшы ретінде тұңғыш рет тамашалаған Ресейдің жаңа президенті Дмитрий Медведев халықаралық қақтығыс шығаруы мүмкін болған “жауапкерсіз мансапқұмарлық” жайында ескерту жасады. Медведевтің жанында кеше премьер-министр етіп тағайындалған бұрынғы президент Владимир Путин тұрды.