Ресей экспортқа шығарылатын мұнайға салатын салығын тағы да ұлғайтты

МӘСКЕУ: Ресейде мұнай экспортына салынатын баж салығы – 1-інші маусымнан бастап бірден 17 пайызға ұлғаяды немесе 1 тонна шикі мұнайдың экспортына салынатын салық қазіргі 340 доллардан 398 долларға бір-ақ қарғиды. Бұл – Еуропа кеңістігіне шығарылатын ресейлік “Urals” мұнайы бағасының тең жартысынан асады. Ресейден шығарылатын мұнай экспортының бағасын үкімет, әлемдік саудадағы шикізаттың бағасын саралай келіп, әрбір 2 айда қайта қарап отырады.