Пәкістанмен арадағы шекарада Ауған бүлікшілерімен болған қақтығыста 9 АҚШ сарбазы қаза тапты. Шетел күштеріне бағытталған Кунар өлкесіндегі бұл шайқас адам шығыны бойынша соңғы жылдардағы ең ірі шабуыл болып отыр. НАТО жетекшілігіндегі халықаралық қауіпсіздік күштерінің хабарлауынша, бүлікшілер жексенбі күні Ауған армиясы мен шетел әскерилерінің күзет бекетіне шабуыл жасаған.
