Ливанның солтүстігіндегі Триполи қаласында болған жарылыстан кемінде 16 адам мерт болып, 30-ға жуығы жараланды. Ресми биліктің хабарлауынша, қаза тапқандардың кем дегенде жетеуі - жауынгер. Қаланың халық көп жүретін алаңындағы жол бойына қойылған бомба жолаушы автобусы өте берген сәтте іске қосылды. Соңғы кезде Триполи түрлі діни топтың өзара қақтығысқан жеріне айналды. Өткен жылы осы ауданда Ливан армиясы мен Палестина босқындарының лагерін паналаған “Фатх Әл-Ислам” ұйымының арасында кескілескен шайқас болды.