ШЫҰ біртұтас энергокеңістігін құруға жақындады

Шанхай ынтымақтастық ұйымы елдеріндегі құбыр жүйелері осы ұйымның біртұтас энергетикалық кеңістігін құрудың негізі болып табылады.
Кеше Шанхай ұйымының Душанбедегі саммитінде президент Нұрсұлтан Назарбаев осылай деп мәлімдеді.
“Шанхай ұйымында,- деп атап көрсетті Қазақстан басшысы,- энергетикалық қауымдастық құруға қажетті барлық алғышарт бар, оның ішінде қуат ресурстарын өндірушілер мен тасымалдаушылардың және тұтынушылардың мүдделерін әділ үйлестіруге болады”.