Ауғанстанда 3 канадалық жауынгер мерт болды

Ауғанстанның оңтүстігінде жасалған шабуылдан Канаданың 3 сарбазы қаза тауып, бесеуі жараланды. Қандағар өлкесінің Жари ауданында болған шабуыл Канада әскери күштерінің көлігіне бағытталған. Сонымен, Ауғанстанда қаза тапқан канадалық әскер саны 96-ға жетіп отыр. Канада Ауғанстандағы миссиясын 2002 жылы бастаған. Қазір бұл елдің Ауғанстанда шамамен 2500 сарбазы бар.