Буш: АҚШ қаржы дағдарысына ұшырады

Президент Джордж Буштың мәлімдеуінше, АҚШ күрделі қаржы дағдарысына ұшырап отыр және болуы мүмкін экономикалық апаттың алдын алу үшін заң шығарушылар шұғыл әрекет етуі тиіс. Сәрсенбі күні теледидардан сөйлеген сөзінде Буш Конгресті тығырыққа тірелген банктерді құтқаруға және АҚШ экономикасын тұрақтандыруға бағытталған 700 миллиард долларлық жоспарды мақұлдауға шақырды. "Егер конгресмендер тез арада әрекет жасамаса, АҚШ “қаржылық үрейге” тап болып, миллиондаған халық жұмыссыз қалуы мүмкін",- деп ескертті Буш.