Пәкістан Ауғанстандағы АҚШ пен НАТО күштері үшін маңызды тасымал жолын қайта ашты. Ресмилердің айтуынша, Пәкістан қауіпсіздік күштері Хайбер асуы арқылы бүгін 30 жүк машинасын өткізген. Соңғы айларда Пәкістанның солтүстік-батысындағы тайпалы аймақтарда үкімет күштері исламшыл бүлікшілермен соғысып, Хайбердегі қауіпсіздік жағдайы нашарлап кетті. Өткен аптада бүлікшілер 13 жүк машинасы мен 2 әскери көлікке шабуыл жасаған соң, Хайбер асуы жабылған болатын.