Бүгін Парламент мәжілісінің отырысында депутаттар «ҚР Мемлекеттік марапаттары заңына өзгерістер мен толықтырулар енгізу туралы» заң жобасын мақұлдады.
Отырыста сөз алған президент әкімшілігі жетекшісінің орынбасары Мәулен Әшімбаевтың хабарлауынша, аталған заң жобасы бойынша «Қазақстан еңбек ері» атты жаңа атақ енгізілмек.
Оның айтуынша, аталған мемлекеттік марапат «Алтын қыран» және «Халық қаһарманы» ордендерімен дәрежелес. Бұл атақ Қазақстанды экономикалық және әлеуметтік-гуманитарлық жағынан дамыту саласындағы жетістік үшін беріледі. Заң жобасына сәйкес, «Қазақстан еңбек ері» атағын иеленген тұлғаға «Алтын жұлдыз» бен «Отан» ордені тапсырылады.
